Saturday, December 10, 2011

மழை நேரம்!



Rainy Season Scraps, glitter, and pictures
GoodLightscraps.com


துவங்கிவிட்ட மாலை நேரத்து சோர்வு
களைந்தெறிய சிறு குதூகளம் ஏங்கி தவித்திருக்க
கார்மேகம் நெருங்கி நெருங்கி
கண்ணீர் தளும்பத் தளும்பத் தடுமாறும்
வான்மேக வண்ணம் கலைத்திட
மண்ணிங்கு ஆசுவாசப்படுத்திக்கொள்ளும் 
மழைச்சாரலோடு!


விடுப்பு எடுத்துக்கொண்டு
எங்கேயோ பார்வைக்கு எட்டாமல்
மறைந்து போன வெந்நிலவும்
விண்மீன் கூட்டமும் மட்டுமே
இன்றைய இழப்புகளாய்!


மண்வாசனையை தத்தெடுத்து
மழைத்துளி முத்தங்களோடு
காதோரம் கிசுகிசுக்கும் தென்றல்
சில்லென்று சிலிர்த்துவிட்டு போவதும்!


வெளியில் பார்த்து ரசித்த
மழையை சேகரித்து வீட்டுக்குள்
சிதறிவிட்டு போகும் 
விட்டத்து துளைகள்!


"நான் இங்கு நீ எங்கு" என்று
சொல்லாமல் சொல்லி
கூப்பாடு போட்டுக்கொண்டிருக்கும்
தவளையின் சத்தமும்!


சிலாகித்து ஆட 
ஆசையை தூண்டும் 
மயிலின் ஆட்டமும்!


வெளுத்துக்கிடக்கும் விண்ணுக்கு
மழை தத்துக்கொடுத்துவிட்டுப்போகும்
வானவில்!


குதூகளம் ஒட்டிக்கொள்ள
இவற்றை ரசித்திடாமல் எப்படி
விலகி நிற்பது!

6 comments:

  1. உன் வார்த்தை ஜாலங்களோடு மலைச்சாரல்களை மிகவும் ரசித்தேன் ராணி மா..

    "வெளுத்துக்கிடக்கும் விண்ணுக்கு
    மழை தத்துக்கொடுத்துவிட்டுப்போகும்
    வானவில்!"

    எனக்கு நீ போல.. வானவில்லாக நம் நட்பு என்றும் தொடரும்..

    ReplyDelete
  2. குதூகலம் ஒட்டிக் கொள்ள
    அதனை ரசிக்காமல் இருக்க எப்படி முடியும் ?
    கவிதை மனம் கொண்டோருக்கு அதை இப்படி
    ஒரு அழகிய பதிவாகக் கொடுக்காமல் எப்படி இருக்க முடியும் ?
    படமும் பதிவும் அருமை தொடர வாழ்த்துக்கள்

    ReplyDelete
  3. என் ரசிப்பையும் சந்தோஷத்தையும் பகிர்வதில் உள்ள சந்தோஷத்தை அனுபவிக்கிறேன்!

    கருத்துரைக்கு மிக்க நன்றி!

    ReplyDelete
  4. மழையோடு ஒன்றிவிட்டேன். நனைந்து விட்டது போன்ற உணர்வு. ஆ ஆ...ஹச்...

    ReplyDelete
  5. @விச்சு
    தங்களது வருகைக்கும் ஊக்குவிக்கும் கருத்துரைக்கும் மிக்க நன்றி!

    ReplyDelete
  6. "நான் இங்கு நீ எங்கு" என்று
    சொல்லாமல் சொல்லி
    கூப்பாடு போட்டுக்கொண்டிருக்கும்
    தவளையின் சத்தமும்!
    அழகான வரிகள் ..இன்னும் கிறுக்கல் தொடரட்டும் http://vazeerali.blogspot.in/

    ReplyDelete